પ્રિય વાંચક મિત્રો,

વિચારયાત્રા E-Magazineના મે મહિનાના અંકને વિનામૂલ્યે download કરવાં નીચે આપેલ લિંક પર ક્લિક કરો.

વિચારયાત્રા મે ૨૦૧૭

Special Thanks to Prakash Suthar & Arti Parikh for their valuable support.

“ઓળખ” કૉલમમાં વાંચો શ્રી જિજ્ઞેશ અધ્યારૂ સાથે ખાસ મુલાકાત, એમની સાથેની વાતચીત દરમ્યાન એમની પ્રિય બે માઈક્રોફિક્શન વાર્તાઓનો તેમણે ઉલ્લેખ કર્યો હતો, જે સર્જન પુસ્તકમાં અને અહીં ઇન્ટરવ્યુમાં પણ સમાવી શક્યાં નથી. છતાં તે બંને વાર્તા આપ અહીં વાંચી શકો છો.

લેટ્સ ટૉક
શંકા તો પહેલેથી જ હતી. આ તે કંઈ ઉંમર છે? મેસેજ છે ‘વોન્ટ ટુ લવ યૂ એઝ મચ એઝ આઈ કેન!’ દસમા ધોરણમાં છોકરીને તે વળી લવ થતો હશે?
આ તો અનાયાસ મોબાઈલ હાથમાં લીધો ને સામે જ વોટ્સએપ પર મેસેજ ફ્લેશ થયો.. નહીંતર એ કદી ક્યાં શીતલનો મોબાઈલ ચેક કરવાની?
સંધ્યાની આંખોમાં પ્રશ્નો હતા, મમ્મીના હાથમાં પોતાનો મોબાઈલ જોઈને શીતલના ધબકારા વધ્યા.. ‘મોમ, આઈ કેન એક્સપ્લેઈન..’
‘ના દીકરા.. બીલીવ મી, તારા અસ્તિત્વનું કારણ તું મને નહીં સમજાવી શકે.. બટ લેટ્સ ટૉક..’

પાંચસોની નોટ
સાંજના પોણા આઠ થયા, ટ્રેનના ડબ્બાને સાફ કરતા એ ગંદા છોકરાને જોઈને ઉર્વિ સંકોચાઈને બેઠી, એણે હાથ લાંબો કરી પૈસા માંગ્યા ત્યારે બારી બહાર જોઈ તેને જોયો જ નથી એમ અવગણ્યો.. પણ એ ય ક્યાં ઓછો હતો? સામે જ નીચે બેઠો.. આખો ડબ્બો સાફ થઈ ગયો હતો, એ પોતાની કમાણી ગણવા લાગ્યો.
એણે પોતાના માટે પૂરીભાજી અને નાનકા માટે દૂધ લીધું. જમીને હાથ ધોયા, પાણી પીધું, નાનકાને દૂધ પીવડાવ્યું ને પછી બેઠા બેઠા સૂવાનો પ્રયત્ન આદર્યો.
ત્રણેક કલાક થયા ને નાનકાએ રડવાનું શરૂ કર્યું, પાણીની બોટલ ખાલી થઈ ગયેલી. સૂરત આવ્યું, પાણીવાળાને બોલાવીને બોટલ લીધી, છૂટ્ટા નહોતા એટલે પાંચસોની નોટ આપી.. પેલો કહે, ‘બેન, આ નોટ આજથી નહીં ચાલે, છૂટ્ટા આપો..’
આખુ પાકિટ ફેંદી વળી પણ માંડ આઠ રૂપિયા છુટ્ટા નીકળ્યા. ગાડીએ વ્હિસલ વગાડી.. અસમંજસમાં ગૂંથાઈ, નાનકાએ જોરથી ભેંકડો તાણ્યો.. પેલા છોકરાએ હાથ લંબાવ્યો.. એમાં વીસની નોટ હતી.. ચોળાયેલી, ગંદી.. ઉર્વિએ હાથ લંબાવ્યો..

શ્રી જિજ્ઞેશ અધ્યારૂ અને એમની ટીમના તમામ સભ્યોને હૃદયથી અભિનંદન.

આભાર..