કવિતા

સમર્પણ તર્પણ છે.

VY August 2017_Page_04

સમર્પણ તર્પણ છે.

 માણસ એના સાત્વિક કર્મથી નિચોવાઈને તત્વને સત્વ અર્પે છે. માણસનો સ્વભાવ એ માણસના સંતોષનો નકશો છે. સરળ સ્વભાવ જીવનના રસ્તાનો સરળ નકશો આપે છે.

તૃપ્ત હૃદયનું જીવન “આનંદમ્” છે. જે ઈશ્વરને કણે-કણથી સમર્પિત છે.

દરિયારૂપી સંસારમાં એકએક જીવ એક એક બુંદ જેવો છે. સમર્પણ એક ગુણ છે. સમર્પણ એ વ્યક્તિનો અંત છે અને વ્યક્તિત્વની શરૂઆત છે.

સમર્પણ પોતાના પર મેળવેલી જીત છે. ઈશ્વરે આપેલ જીવન એ જો મૂડી છે, પાંચેય ઇન્દ્રિય જો મિલકત છે તો સમર્પણ એ આપણું ચૂકવેલ વ્યાજ છે. સમર્પણ નિર્મોહી છે, નિઃકાય છે, નિઃશેષ છે.

સમર્પણ તર્પણ છે ઇચ્છાનું,

સમર્પણ તર્પણ છે મોહનું,

સમર્પણ તર્પણ છે મર્યાદાનું,

સમર્પણ તર્પણ છે

સમર્પણ તર્પણ છે

સમર્પણ તર્પણ છે

                                                                                                                  – મૌલિક “વિચાર”

Advertisements

ૐકાર સંસ્કાર છે.

Vicharyatra July 2017_Page_04

ૐકાર સંસ્કાર છે.

ૐકાર એટલે શુદ્ધ શ્વાસોની સાથે સાથે શુદ્ધ સાત્વિક વિચારોનો પણ જન્મ.

ૐકાર માત્ર પ્રક્રિયા નહીં પણ જીવનશૈલી છે. જે માણસના તંદુરસ્ત વ્યક્તિત્વની ઔષધી છે.

ૐકાર કોઈ ધાર્મિક કે આધ્યાત્મિક ચિન્હ કે ઉદ્દગાર નહીં પણ સાત્વિતાનો સાગર છે.

ૐકાર નાભિમાં એવાં દિવ્ય સ્ત્રાવને જન્મ આપે છે જ્યાંથી શરીરના વાયુમાં દિવ્ય ઉર્જાનો જન્મ થાય છે. શરીરમાં રહેલા શારીરિક અને માનસિક અશક્તિનો નાશ કરે છે.

ૐ દેવી દેવતાઓથી પણ પરમ છે, તેથી જ આ પવિત્ર સંજ્ઞા દેવી દેવતાઓએ પણ આત્મસાત કરીને તેનું રટણ અને ચિંતન કરે છે.

ૐકાર એ આંખ પાછળના વિશ્વના દરવાજાની ચાવી છે.

ૐકાર આકાર આપે છે વ્યક્તિત્વને અને આદર્શ વ્યક્તિત્વ આદર્શ સમાજનો પાયો છે.

સ્વયંને જગાડવાનો રણકાર છે ૐકાર,

ધર્મ, ભૂમિ અને આતમનો અનંત નાદ છે ૐકાર,

ઈશ્વરને આપેલો સાદ છે ૐકાર,

આપણે જ આપણી ઉતારેલ આરતનો પ્રસાદ છે ૐકાર.

– મૌલિક “વિચાર”

===========================

હાસ્ય રહસ્ય છે.

June 2017_Page_04

હાસ્ય રહસ્ય છે.

સ્મિત ઉર્જાનું તેજ ફેલાવે છે. હાસ્ય આપણા વ્યક્તિત્વની ગુરુચાવી છે. હાસ્ય નિખાલસતાનું સારથી છે.    બીમાર પડી ગયેલ મન હોય કે વાસી થઈ ગયેલ સંબંધ હોય, હાસ્ય એ બંનેની સારવાર કરતી કુદરતી ઔષધી છે.
હાસ્ય નાદાન અને મૂક પ્રેમપત્ર છે, જેમાં સહજતાની શાહી થકીઆમંત્રણનો એક સંકેત છે.
હાસ્ય યોગ છે. હાસ્ય વિનામુલ્યે ચૂકવેલું  અમૂલ્ય વ્યાજ છે.
હાસ્ય એકલતામાં પણ માણસને પોતાની નજીક રાખે છે.
હાસ્ય કુદરતને હૃદયમાં સ્થાપવાની ગણેશ સ્તુતિ છે.
કૃષ્ણના હાસ્યમાં રહસ્ય છે એની લીલાનું.
રામના સ્મિતમાં રહસ્ય છે એમની ધીરજનું
ગાંધીજીના હાસ્યમાં એકતા છે, તો સ્વામી વિવેકાનંદના હાસ્યમાં દેશભક્તિ.
હાસ્ય રહસ્ય છે જ્ઞાનરૂપી અખૂટ સંપત્તિનું.
હાસ્ય રહસ્ય છે.
હાસ્ય રહસ્ય છે.
હાસ્ય રહસ્ય છે.

મૌલિક “વિચાર”

સ્પર્શ અનુભવ છે.

April 2017_Page_04

સ્પર્શ અનુભવ છે.

સ્પર્શ એ લાગણીની ભાષા છે. લાગણી, વેદના, સંવેદના વિગેરે શબ્દ વ્યક્ત નથી કરી શકતા તે મૂકપણે સ્પર્શની વાણી કહી જાય છે. સ્પર્શની ભાષા ખુબ ઊંડી અને અવિરત છે. સ્પર્શમાં સંબંધના ઊંડા મૂળ છુપાયેલ છે. માંના સ્પર્શમાં મમતા સમાયેલ છે તો બાપના સ્પર્શમાં વ્યક્તિત્વનું બંધારણ છુપાયેલ છે. બહેનના સ્પર્શમાં ઔષધી છે, તો ભાઈના સ્પર્શમાં સહકારભરી સૌમ્યતા સમાયેલ છે. પ્રિય પાત્રના સ્પર્શમાં પ્રિતનો શણગાર છે, તો મિત્રના સ્પર્શમાં વિશ્વાસની વ્યાખ્યા જડે છે.
સ્પર્શ એ સૃષ્ટિનો સુખદ અનુભવ છે. સ્પર્શ એક એવો અનુભવ છે જેમાં ક્ષણિક સગાઇને પણ આકાર મળી જાય છે.
સ્પર્શ માત્રથી રૂવાંટાને શ્વાસ મળે છે અને એની દિવ્યતા છેક હૃદય સુધી પહોંચી, સમયને સંગીતમય બનાવે છે.
સ્પર્શ અનુભવ છે સૃષ્ટિનો.
સ્પર્શ વાચા છે સ્નેહની.
સ્પર્શ પહેલ છે સંબંધની.
સ્પર્શ પ્રાર્થના છે સફળતાની.
સ્પર્શ પ્રમાણ છે હાજરીનું.
સ્પર્શ અનુભવ છે ભવેભવની સગાઇનો.

સ્પર્શ અનુભવ છે.
સ્પર્શ અનુભવ છે.
સ્પર્શ અનુભવ છે.

– મૌલિક “વિચાર”

“ધ્યાન નૃત્ય છે”

Vicharyatra March 2017_Page_04

“ધ્યાન નૃત્ય છે”

મનની સપાટી ઊપર મૌનના સૂરો સાથે, શ્વાસોઉચ્છવાસના તાલ થકી જયારે અંતર થનગને તો સમજવું કે ધ્યાન નૃત્ય કરે છે.
ધ્યાન એટલે વિચારોનું નૃત્ય, જ્યાં આપણા જીવનના હકાર-નકાર બધાંય વિચારો નૃત્યમાં મગ્ન થઇ અને આનંદની ઊર્મિઓની આરત કરે છે. એવાં સમયે અંતરમાં જાણે આનંદનો મેળો જામે છે.
વિચારો આપણા વ્યક્તિત્વના ઇષ્ટ દેવતા છે અને ધ્યાન વિચારોની આરતી.
વિચારોની ગતિને એકાંતના સંગીતમાં રંગવાની પ્રવૃત્તિ એટલે ધ્યાન.
મૌનના ત્રાજવે શબ્દોના મૂલ્યો મૂલવવાની પ્રવૃત્તિ એટલે ધ્યાન.
શૂન્યથી સો થયા પછી ભૂંસાવાની પ્રવૃત્તિ એટલે ધ્યાન.
શ્વાસના ટકોરે હસ્તરેખાઓને માત આપવાની પ્રવૃત્તિ એટલે ધ્યાન.
પડછાયામાં પણ પોતાનાં ધબકાર સાંભળવાની પ્રવૃત્તિ એટલે ધ્યાન.
દરેક વૃત્તિમાં એક હકારની પ્રવૃત્તિ શોધવાની પ્રવૃત્તિ એટલે ધ્યાન.
વાસ્તવિક જીવનમાં પોતાની પોતાના સાથેની સ્પર્ધા એટલે ધ્યાન.
“ધ્યાન નૃત્ય છે”
“ધ્યાન નૃત્ય છે”
“ધ્યાન નૃત્ય છે”

– મૌલિક “વિચાર”

એકાંત એક અંત છે.

February 2017_Page_04

એકાંત એક અંત છે.

એકાંત એટલે સાત્વિક ક્ષણનો એક અંત અને પરમ સાત્વિક ઉલ્લાસનો પ્રારંભ.
આધ્યાત્મના દરિયામાં મૌનની હોડી પર સવાર થઈ એકાંતની તરસ છુપાવવાની ક્ષણ એટલે પરમ આનંદ. એકાંત આત્માની તરસ છે. એકાંત મૌનનું સારથી છે.
એકાંત એટલે મૌનનો પુનર્જન્મ.

વિચારની પરાકાષ્ટા જ્યાં ક્ષણના ક્ષિતિજનો આનંદની હેલી સાથે મેળાપ એટલે એકાંત.
અકળ વિશ્વમાં સકળ ક્ષણ પ્રાપ્ત કરી અંતરધાન થવાની વેળા એટલે એકાંત.

એકાંત એટલે શ્વાસથી ધબકારા સુધીની સફર.
એકાંત એટલે શબ્દથી અવાજ સુધીની સફર.

એકાંત એટલે ક્ષણના શરબતી મિજાજથી ભીંજાવાને માણવાની સફર.

એકાંત એટલે એક એવો અંત જ્યાં એક શરીર
છોડીને જીવવાની શરૂઆત.

એકાંત એક અંત છે શરૂઆતનો.
એકાંત એક અંત છે…
એકાંત એક અંત છે…
એકાંત એક અંત છે…

– મૌલિક “વિચાર”

આતા વાણી છે.

January 2017_Page_04

આતા વાણી છે.

આતાજીનું વ્યક્તિત્વ પવિત્ર ગીતાજીનો સાર છે, આતાજી ત્રણેય ભુવનના નાથની વાણીનો સાર છે. શબ્દો અને સાદગી થકી આતાવાણીનો મધુર રણકાર વિશ્વના અનેક દેશોમાં વસતાં એમના સ્નેહી મિત્રો એ અનુભવ્યો છે.

એમનાં એકેએક શ્વાસમાં અનુભવની ભીનાશ મારા જેવાં અનેક નવશીખ્યાંઓને માર્ગદર્શન આપતી રહી છે.
આતાજીનો મારો સંપર્ક બ્લોગ મારફતે થયો. મને મારા દરેક લખાણ કાર્ય માટે પ્રોત્સાહિત કરતા અને આશિષ આપતાં. આતાજી મને હંમેશા કહેતા કે “મૌલિક” તમારા લખાણમાં મને આધ્યાત્મની છાંટ નજર આવે છે, આપ ખૂબ આગળ જશો અને એમની એ હૂંફના કારણે હંમેશા હું એમને કહેતો કે આતાજી તમે મારા સાતેય સમુદ્ર પાર વસેલ માતાજી છો.

એમનાં અવસાનના એક અઠવાડિયા પહેલાં એમણે મારા બ્લોગ ઉપર એક કોમેન્ટ કરી અને ભૂલથી મારા માટે “તું”કાર વપરાઈ ગયેલ હોવાથી તેમને અફસોસ થયેલ છે તેમ જાહેરમાં વ્યક્ત કર્યું અને ત્યારે મેં એમને કહ્યું કે એક પિતા એમના દીકરાને “તું” જ કહી બોલાવે અને એમણે સહજ આશીર્વાદ આપ્યા.

આતાજીના દિવ્ય આશિષથી અને શ્રી સુરેશ જાની અને શ્રી જુગલ કિશોરની સહાયથી આ અંક હું આતાજીની દિવ્ય આત્માને અર્પણ કરું છું. અને આજથી “વિચારયાત્રા”ના આ પૃષ્ઠના શીર્ષક “વિચાર”ની જગ્યા એ “વિચારવાણી” કરીને આતાજીનું સ્મરણ સદાય રહે અને એમનાં શાબ્દિક વારસાનો હું અંશ બની શકું એવી અંતરની ઈચ્છા સાથે વિરમું છું.
મૌલિક “વિચાર”