Month: June 2016

VICHARYATRA June 2016

 

Click on this link to download VICHARYATRA June 2016

Advertisements

આપણને દુશ્મન જ ન આપે.

dushman ni prarthana

ક્ષમા પ્રારંભ છે.

kshama

 

ક્ષમા પ્રારંભ છે પ્રસન્નતાનો.જે હૃદયમાં ક્ષમા ભાવના છે એ હૃદયમાં ઈશ્વરના શ્વાસ ધબકે છે.
જીવનમાં કોઈને ક્ષમા આપવી ખુબ અઘરી છે પરંતુ અઘરુ લાગતું જીવન ક્ષમાભાવથી ખુબ સહેલું લાગવા લાગે છે. ક્ષમા નમ્ર વ્યક્તિત્વનું આભૂષણ છે. ક્ષમા એક અજોડ સંબંધનો સેતુ છે. ક્ષમા આત્મબળ છે. ક્ષમા સંજોગેને પીગાળે છે અને વ્યક્તિત્વને અજવાળે છે.
ક્ષમા ભાષા છે ઉદારતાની,
ક્ષમા વાણી છે નમ્રતાની.
ક્ષમા પ્રસન્નતાનું ચાલકબળ છે.

ક્ષમા એક અનુભવ છે, ઈશ્વરનો અનુભવ.
ક્ષમા કળા છે સમૃદ્ધ વિચાર જીવવાની
ક્ષમા ઘણું ગુમાઈને કંઈક અમૂલ્ય મેળવવાનો રસ્તો છે.
ક્ષમા ભેટ છે અધિકારની.

ક્ષમા ધરે તે સુખિયા સદાય, ક્ષમા વિના પ્રાણી ઘણા પીડાય ।
ક્ષમા રાખજો ધીરજ ધારી, રક્ષા કરશે શ્રીકૃષ્ણ તમારી ।।

ક્ષમા એટલે ધીરજ.  ક્ષમા એટલે અંતરના મોજાંઓને શાંત પાડવાની ગુરુચાવી.
ક્ષમા એ સુખની સીડી છે. કારણકે ક્ષમા છે ત્યાં ધીરજ છે, ક્ષમા છે ત્યાં હકાર છે, ક્ષમા છે ત્યાં પ્રેમ છે,
ક્ષમા છે ત્યાં દરેક અભિમાનનો નાશ છે, ક્ષમા છે ત્યાં દિવ્યતા છે, ક્ષમામાં જ આત્માનો ઉજાસ છે.
કારણકે
ક્ષમા પ્રારંભ છે…
ક્ષમા પ્રારંભ છે…
ક્ષમા પ્રારંભ છે…

– મૌલિક “વિચાર”

અક્ષર અનંત છે.

akshar anant che
હાલ એક આધ્યાત્મિક પ્રેરણાદાયક પુસ્તકનું વાંચન ચાલે છે. ભારતની બે એવી વિભૂતિ જે દેશ અને દુનિયામાં તેમની સાદગી અને આધ્યાત્મિકતાની ઉચ્ચ કક્ષાના કારણે પ્રચલિત છે, તેમના અનુભવો અને આધ્યાત્મિક યાત્રા પર પ્રેરિત પુસ્તક “પરાત્પર”. જેમાં ડૉ એ.પી.જે. અબ્દુલ કલામસાહેબે પ્રમુખસ્વામીજી સાથેના એમના આધ્યાત્મિક અનુભવોનું વર્ણન કરેલ છે.

થોડીક ખૂબ પ્રભાવશાળી વાત પરાત્પર પુસ્તકમાંથી….
“ધારો કે, તમે સાગરમાં પાણીનું ટીપું છો. હવે જો તમે એમ વિચારો કે, તમે સાગરથી અલગ છો તો તમે શક્તિહીન, નિઃસહાય બની જાઓ છો અને તમારી આસપાસ રહેલા સાગરની સમૃદ્ધિ પામી શકતા નથી. જો તમે જાણો કે, તમે આ સાગરનો જ એક હિસ્સો છો તો, તમે સાગરની શક્તિ અનુભવશો. તમારી ઓળખ હવે સાગરના નાના, નિઃસહાય ટીપા તરીકેની નહીં રહે, પણ તેને બદલે સાગર જ તમારી ઓળખ બનશે.”

આ પુસ્તકના વાંચન દરમ્યાન એવો જ કંઈક અનુભવ મને થાય છે કે,
આપણે સૌ અક્ષર છીએ, આપણે સૌ શબ્દ છીએ, આપણે જ વાક્ય અને આપણે જ નિબંધનો ફકરો છીએ. આ સાગર રૂપી માતૃભાષામાં આપણે ભળી જઈએ તો માતૃભાષામાંથી મળેલ સંસ્કારની શક્તિઓ અનુભવી શકીશું.  આપણી માતૃભાષા જ આપણી સાચી ઓળખ છે.
અક્ષર અનંત છે..
અક્ષર અનંત છે..
અક્ષર અનંત છે..